Sen 13, 2018 09:36 Asia/Baku
  • Yəmən müzakirələri
    Yəmən müzakirələri

Yəmən böhranı ilə bağlı İran və Avropa İttifaqı, Almaniya, İtaliya, Britaniya və Fransa nümayəndələri arasında Brüssəldə üçüncü müzakirələr həyata keçirilib.

İran İslam Respublikası xarici işlər nazirinin siyasi məsələlər üzrə köməkçisi Hüseyn Cabiri Ənsari çərşənbə günü Brüsseldə Yəmən böhranı ilə əlaqədar Almaniya, Fransa, İtaliya və Britaniya Xarici İşlər Nazirliklərinin siyasi idarə rəhbərlərinin iştirakı ilə İran və Avropa İttifaqının nümayəndəsi arsında baş tutan danışıqlarda iştirak edib. Bu danışıqlarda Yəmən müharibəsinin sonlandırılması və Yəməndə humanitar faciənin qarşısının alınması yolları araşdırılıb. 

Cabiri Ənsari danışıqların başa çatmasından sonra Avropalı tərəfin istəyi əsasında Suriya böhranı ilə bağlı Tehranda keçirilən üçtərəfli İran, Rusiya və Türkiyə sammitinin nəticələri barədə onları məlmatlandırıb. 

İranın xrici işlər nazirinin köməkçisi bu iclasın ardınca Avropa İttifaqının xarici siyasət üzrə məsul şəxsinin müavini Helqa Şmitd ilə görüşüb, regionun önəmli məsələləri o cümlədən Suriya və Yəmən böhranı və bu böhranların həll yolları barədə danışıqlar aparıb. 

Cabiri Ənsari bazar ertəsi və çərşənbə axşamı Suriya Konstitusiya Komitəsi haqdakı danışıqlarda iştirak etmək üçün Cenevrədə olub. Rusiya və Türkiyə nümayəndələri habelə, BMT-nin Suriya məsələləri üzrə xüsusi nümayəndəsi də bu danışıqlarda iştirak edib. 

Teqlər