• 22 Bəhmən yürüşünün yekun qətnaməsi: ABŞ İranın 1 nömrəli düşmənidir
    22 Bəhmən yürüşünün yekun qətnaməsi: ABŞ İranın 1 nömrəli düşmənidir

Bu il İranda 22 Bəhmən yürüşündə iştirak edənlər bir qətnamə qəbul edərək, Amerikanı özlərinin 1 nömrəli düşməni elan ediblər.

İran xalqı bu gün cümə 22 Bəhmən yürüşünün sonunda bir qətnamə qəbul edərək, bildirib ki, İran xalqı ABŞ-ın nüvə anlaşması qarşısında öz öhdəliklərinə əməl etməməsi və anlaşmanı pozmasına görə son dərəcə qəzəblidir və Ağ Evin İrana qarşı yeni sanksiyalar tətbiq etməyə cəhd göstərməsini, regionun irticaçı rejimləri ilə əlbir olub İranofobiya və İslamofobiya siyasətini izləməsini pisləyərək, İran rəsmilərindən qətiyyətli və önləyici tədbirlər görməklə, tutarlı cavab verməsini istəyir. 

İran xalqı bu qətnamədə İranın təhlükəsizliyinin heç bir vəchlə müzakirə və güzəşt predmeti olmayacağına təkid edərək, raket potensialını önləyici qüdrətin simvolu adlandırıb və beynəlxalq qanunlara və BMT-nin nizamnaməsinə əsasən tanınmış bir haqq olaraq milli təhlükəsizliyə zəmanət verən qırmızı xətt adlandırıb. 

Qətnamənin davamında deyilir: İran xalqı regionda cərəyan edən İslam Müqaviməti hərəkatını himayə etmək habelə, Ali-Səud və Ali-Xəlifənin ABŞ, İngiltərə və İsrailin planı və himayələri, regionun irticaçı rejimlərinin dəstəyi ilə Yəmən və Bəhreyndə törətdikləri cinayətləri qınayaraq, dünyada ifratçılıq, zorakılıq, terrorizm və nifrətin genişləndirilməsinə qarşıdır. 

22 Bəhmən yürüşünün yekun qətnaməsində həmçinin Fələstin İslam Dünyasının əsas mövzusu və müqavimət Fələstin xalqının haqlarına təminat verən yeganə yol olaraq vurğulanıb və İslam Dünyasının Fələstin xalqının haqq və hüquqlarının təmin edilməsi üçün bütün imkanlarını səfərbər etməsinə təkid edib. 

22 Bəhmən yürüşü bu gün cümə Tehranda və İranın hər bir guşəsində xalqın milyonluq iştirakı ilə keçirildi. 

Feb 10, 2017 13:13 Asia/Baku
Şərhlər