İslamiada yarışlarında iranlı ağır atlet qızıl medal alıb
İranlı ağır atlet qızıl medal əldə edib.
Bu gün 4-cü İslam Həmrəyliyi Oyunlarda 105 kiloqram çəki dərəcəsində yarışan ağır atletimiz Mohəmmədreza Bərari ümumilikdə 395 kiloqram nəticə əldə edərək, qızıl medal qazanıb.
Bu, İranın idman karvanının 40-cı medalı olmaqla bərabər, həm də 11-ci qızıl medalıdır.
Bu yarışlarda iraqlı ağır atlet də bütövlükdə 391 kiloqram nəticə əldə edərək, gümüş, özbəkistan idmançısı isə bürünc medal qazanıbdır.
4-cü İslam Həmrəyliyi Oyunlarına göndərilmiş İranın idman karvanı indiyədək bir çox idman növündə, o sıradan ağır atletika, atıcılıq, yüngül atletika, taekvondo və əlillərin yüngül atletika yarışlarında medallar qazanıbdır.
4-cü İslam Həmrəyliyi Oyunları 54 islami ölkənin iştirakı ilə 22 idman növündə mayın 12-də Bakı şəhərində başlanıb. Bu oyunlar mayın 22-dək davam edəcəkdir.
127 kişi və 31 qadın idmançıdan ibarət İranın idman karvanı bu yarışlarda 20 idman növündə yarışır.
