İran və Azərbaycan birgə dostluq peyki düzəldəcəklər
Dek 04, 2018 22:52 Asia/Baku
Bakıda səfərdə olan İran İslam Respublikasının rabitə və informasiya texnologiyaları naziri İran və Azərbaycan arasında dostluq peykinin düzəldilməsini Azərbaycan prezidenti ilə görüşdə müzakirə edilən əsas mövzulardan adlandırıb.
İRİB-nin verdiyi məlumata görə, Məhəmməd Cavad Azəri Cəhromi Azərbaycan Respublikası prezidenti İlham Əliyev ilə görüşdükdən sonra deyib: Azərbaycan prezidenti ilə görüşdə müzakirə edilən əsas məsələlərdən biri iki ölkənin birgə dostluq peyki istehsal etməsi mövzusu olub.
O, daha sonra deyib: İran və Azərbaycanın rabitə nazirlikləri və kosmonavtika təşkilatları arasında ümumi razılıq əldə olunub.