Ermənilər Füzulinin Kürdlər kəndində qəbiristanlığı dağıdıb, yerində taxıl əkiblər
Azərbaycan Respublikasının Prezidenti, İlham Əliyevin tapşırığı əsasında Azərbaycandə akkreditasiya olunmuş xarici ölkələrin səfirləri, beynəlxalq təşkilatların rəhbərləri, diplomatlar və hərbi attaşelər Füzuli rayonunun işğaldan azad edilmiş Kürdlər kəndində olublar.
SəhərAzəri Bakı xəbər agentliklərinə istinadən xəbər verir, diplomatik korpusun nümayəndələri və hərbi attaşelərə dağıdılmış kənd qəbiristanlığı göstərilib.
Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev və Füzuli rayon İcra Hakimiyyətinin başçısı Alı Alıyev bildiriblər ki, 27 il ərzində işğal altında olmuş kəndin qəbiristanlığı buldozerlə dağıdılıb, yerində buğda, arpa əkilib.
H. Hacıyev bildirib ki, bu, yenə də Ermənistanın vandalizminin bir əlamətidir.
