Fev 23, 2018 17:37 Asia/Baku
  • Əbuzər Ebrahimi Torkəman
    Əbuzər Ebrahimi Torkəman

İran İslam Mədəniyyəti və Əlaqələri Təşkilatının sədri Azərbaycan Respublikasının Dini Qurumlarla İş üzrə Dövlət Komitəsinin sədri ilə görüşdə deyib: Regiondakı mövcud vəziyyət bizim dostluq və qonşuluq əlaqələrimizin daha da genişlənməsini tələb edir.

Əbuzər Ebrahimi Torkəman bu gün günortaçağı Azərbaycan Respublikasının Dini Qurumlarla İş üzrə Dövlət Komitəsinin sədri Mübariz Qurbanlı ilə görüşdə deyib: Təəssüflə, din sahəsində ekstremist qruplar arasında son dərəcə nalayiq bir yanlış anlaşma nəzərə çarpır ki, bu yanlış anlaşma ilə yeganə mübarizə yolu, İslam əsaslarının bəyanı və əsl İslamın xalqa tanıtdırılmasıdır.

O, İran ilə Azərbaycan Respublikası arasındakı dərin mədəni və dini əlaqələrə toxunaraq, bu ölkənin başçılarının dini kitabların azəri dilinə tərcüməsinə yardım göstərmələrindən razılıq edib.

O, əlavə edib: Düzdur, İŞİD Suriya və İraqın bəzi hissələrində aradan götürülüb, amma ekstremist və terrorist qrupların üzvləri öz ölkələrinə geri dönüblər ki, bu, regionun təhlükəsizliyi üçün bir xətər yarada bilər.

Ebrahimi Torkəman sonra belə deyib: Bu ünsürlərin fəaliyyətlərinin qarşısını almaq üçün ən yaxşı yol, əsl İslamın təbliği və yayılmasıdır və İslamın düzgün yayılması üçün görülməli olan işlərdən biri, dini kitabların tərcüməsidir. 

Azərbaycan Respublikasının Dini Qurumlarla İş üzrə Dövlət Komitəsinin sədri Mübariz Qurbanlı da bu görüşdə bu idarənin farsca dini kitabların azəri dilinə tərcüməsi və çapı sahəsində İranın Bakıdakı səfirliyinin mədəniyyət mərkəzi ilə olan əməkdaşlıqlarına işarə edərək, deyib: Biz bu sahədə Həzrət Ayətullahuluzma Xamenei, Həzrət İmam Xomeyni(r.ə.) və Ayətullah Sübhaninin kitablarını tərcümə və nəşr etmişik.

O, dini ekstremizmin kökünün kəsilməsini Azərbaycan Respublikasının Dini Qurumlarla İş üzrə Dövlət Komitəsinin hədəflərindən adlandırıb və belə söyləyib: Azərbaycan Respublikasından da aldanmış şəxslər Suriyaya gedərək, terror qruplarına qoşulub və ölüblər və hazırda İranın həmkarlığı ilə Azərbaycan Respublikasında İŞİD-ə qarşı ciddi fəaliyyətlər göstərilir.

Mübariz Qurbanlı İŞİD-in Mərkəzi Asiya ölkələrinə daxil olmaq istəməsi təhlükəsinə toxunaraq, deyib: Bütün müsəlman ölkələr müştərək şəkildə terrorizmlə mübarizə aparmalıdırlar.

O, Azərbaycan Respublikasında İslam dəyərlərinin yayılması fondunun təsis olunmasına və bu istiqamətdə ilahiyyat institutunun yaradılmasına işarə edərək, söyləyib: Bizim bu institutu təsis etməkdə məqsədimiz, məscidlər daxil olmaqla dini məkanlarda fəaliyyət üçün dini personalın təmin edilməsidir və mən bu sahədə İranın Qum şəhərinə səfərdə müzakirə apardım və onlar dini məsələlərin təlim verilməsi istiqamətində bizə kömək etməyə hazır olduqlarını bildirdilər.

İran İslam Mədəniyyəti və Əlaqələri Təşkilatının sədri Əbuzər Ebrahimi Torkəman Azərbaycan Respublikasının mədəniyyət və turizm naziri Əbülfəs Qarayevin rəsmi dəvəti və ikitərəfli mədəni və elmi əməkdaşlıqları genişləndirmək məqsədilə Bakıya səfər edibdir. Dünən Bakıya daxil olmuş İran İslam Mədəniyyəti və Əlaqələri Təşkilatının sədri indiyədək "Xurşiddən Pərvinədək" konfransında iştirak və çıxış edərək, Azərbaycan Respublikasının dini elitası və bu ölkənin birinci vitse-prezidenti və Heydər Əliyev Fondunun sədri Mehriban Əliyeva ilə da görüşübdür. 

Əbuzər Ebrahimi Torkəman bu gün axşam Azərbaycan Respublikasının mədəniyyət və turizm naziri ilə görüşəcək və ondan sonra Bakıda İran İslam Respublikasının Film Həftəsini açıq elan edəcəkdir.

Teqlər