Dek 06, 2018 10:23 Asia/Baku
  • Makron hökuməti xalqın tələblərinə təslim oldu

Fransada "Sarı Gödəkçəlilər"in etiraz aksiyasının davam etməsi ilə bu ölkə hökuməti vergilərin artırılması layihəsini ləğv etdi.

Röyters-in məlumatına görə, Fransanın baş naziri Eduardo Filippe çərşənbə günü axşam verdiyi açıqlamada deyib: Fransa hökuməti daha öncə icrasını 6 aylıq bir müddət üçün təxirə saldığı yanacağa əlavə vergi ilə bağlı qanun layihəsini tam şəkildə ləğv etdi. 

Fransa hökuməti 2019-cu ilin əvvəlindən hər bir litr dizel yanacağı üçün 6.5% və hər bir litr benzin üçün isə 2.9 dollar əlavə vergi təyin etmək istəyirdi. 

Bundan öncə Fransa Senatı yanacaq üçün vergilərin artırılması layihəsinin durdurulmasını istəmişdi. Bu artım 2019-cu ilin yanvar ayının birindən icra edilməli idi. 

Fransa xalqının prezident Emanuel Makronun iqtisadi siyasətlərinə etirazı artıq 3 həftədir ki, davam edir və narazı kütlə indi də Makronun istefa verməsi və hakimiyyətdən getməsini istəyir. 

Fransadakı son xalq etirazları 17 noyabr 2018-ci ildən başlanıb. Hər gün daha da genişlənən xalq etirazları qısa zamanda bütün ölkəni bürüyüb. Hətta, Hollandiya və Belçika kimi digər Avropa ölkələrinə də yayılıb. 

Teqlər