Vladimir Putin: İŞİD qruplaşması ABŞ-ın dəstəklədiyi İraq ordusundan daha çox silaha malikdir
İyun 20, 2015 09:53 Asia/Baku
İŞİD terror qruplaşması ABŞ-dan dəstək alan İraq ordusundan daha çox silaha malikdir.
Beynəlxalq Səhər Kanalınn APA-ya istinadən verdiyi xəbərə görə, bu barədə Rusiya prezidenti Vladimir Putin Sankt Peterburq Beynəlxalq İqtisadi Forumda bildirib.“Mən İraqla bağlı bir neçə dəfə açıqlama vermişəm. Biz bilirik orada nə baş verir. İki-üç zərbə ilə İŞİD zirehli texnika və raketlər də daxil olmaqla xeyli silah-sursat ələ keçirdi, hazırda İraq ordusu bəlkə də o qədər silaha malik deyil. Geniş ictimaiyyət bu barədə az məlumatlıdır... Hazırda İŞİD ABŞ-ın dəstəklədiyi İraq ordusundan daha yaxşı silahlandırılıb”, deyə Putin qeyd edib.
Rusiya prezidenti Vladimir Putin Sankt-Peterburq Beynəlxalq İqtisadi Forumda çıxışı zamanı Qərbin Rusiyaya qarşı tətbiq etdiyi sanksiyaları da şərh edib.
“Sanksiyalar nöqteyi-nəzərdən hər şey elə də pis deyil. Bunun müsbət və mənfi tərəfləri var”, deyə Putin bildirib.
“Bu bizim üçün faciə deyil”, deyə Rusiya prezidenti vurğulayıb.