SAHAR

Rusiya rəsmiləri bazar günü ilə bitən 24 saat ərzində Suriyada atəşkəsin 12 dəfə pozulduğunu bildiriblər.

Sinxua xəbər agentliyinin verdiyi məlumata görə, Rusiyanın Müdafiə Nazirliyi atəşkəsin Dəməşqdə 2, Homada 9 və Dərada 1 dəfə pozulduğunu bildirib və daha çox İŞİD və Ən-Nüsrə Cəbhəsi terror qruplarının nəzarətində olan bölgələrdə yüngül silahlardan istifadə nəticəsində baş verdiyini diqqətə çəkib. 

Rusiyanın Müdafiə Nazirliyinin bəyanatına əsasən bu müddət ərzində " toqquşmaların məhdudlaşdırılmalı olduğu bölgələr"-də stabil vəziyyət höküm sürüb. 

İran İslam Respublikası, Rusiya və Türkiyə mayın 4-də Qazaxıstan paytaxtı Astanada 4-cü Suriya sülh müzakirələrinin sonunda Suriyada 4 bölgədə təhlükəsiz zonaların yaradılması barədə razılıq imzaladılar. 

Bu layihəyə əsasən bu bölgələrdə 6 ay müddətinə heç bir toqquşma və hava hücumunun baş verməməsi qərara alındı. 

Amerika və onun qərb və ərəb müttəfiqlərinin Suriyanın qanuni hökumətinə qarşı dəstəklədikləri terrorçu qrupların əməliyyatları 2011-ci il mart ayından başlayaraq davam edir və bu müddətdə 320 min insanın ölümü ilə nəticələnib. Terrorçuların fəaliyyətləri nəticəsində Suriyada yarım milyon insan öz yurd-yuvasından didərgin düşüb.