SAHAR

Amerikalı jurnalist və yazar Maykl Volfun Trampın prezidentliyi dövründə Ağ Evə hakim kəsilmiş atmosferdən bəhs edən "Alov və Qəzəb; Tramp Ağ Evinin iç üzü" kitabı Ağ Evi xeyli əsəbiləşdirib.

PressTV-nin verdiyi məlumata görə, "Alov və Qəzəb; Tramp Ağ Evinin iç üzü" kitabının mətni Ağ Evdə cərəyan edən pərdə arxası hadisələrdən bəhs edir. Kitabın müəllifi ABŞ prezidenti Donald Trampı çox tez əsəbiləşən və əqli çatışmazlıqdan əziyyət çəkən uşağa bənzədib. Kitabın satışa çıxarılması ilə Ağ Ev dərhal müdafiə mövqeyinə keçərək, kitabın müəllifinə qarşı müxtəlif ittihamlar səsləndirməyə başlayıb.

Ağ Evin sözçüsü Sara Sanderz "Alov və Qəzəb; Tramp Ağ Evinin iç üzü" kitabına reaksiya olaraq deyib: "Mən kibatın bütün səhifələri barədə fikir bildirmək istəmirəm. Amma, kitabda çox aşkar səhvlərin olmasına dair çoxlu nümunələr mövcuddur."

ABŞ prezidenti Donald Tramp da jurnalistlərin bu kitabla bağlı suallarını cavablandırmaqdan çəkinsə də, həmişəki kimi öz Tvitter səhifəsində bir yazı paylaşaraq, kitabda yer alan məsələləri təkzib etməyə çalışıb və kitabın müəllifi olan Maykl Volfu lağa qoyaraq, kitabın başdan ayağa yalan olduğunu deyib.

Tramp öz Tvitter hesabında yazıb: "Mən bu yalan kitabın müəllifinin Ağ Ev ilə hansısa əlaqəyə malik olmaması barədə göstəriş vermişəm və əslində onu dəfələrlə Ağ Evdən qovmuşam. Mən heç vaxt onunla kitab barəsində danışmamışam. Bu kitab başdan ayağa yalandır. Heç bir qaynağı olmayan yanlış məlumatlarla doludur. Bu yazıçının keçmişinə nəzər salın. Onun və xəbərçi Stivin başına nə gəldiyini görün."

Tramp paylaşdığı tvitdə bir neçə aya kimi özünün baş müşaviri olan Stiv Banonun da adını çəkib. Maraqlıdır ki, Trampın qəzəbi "Alov və Qəzəb; Tramp Ağ Evinin iç üzü" kitabının daha da məşhurlaşmasına səbəb olub.

"Alov və Qəzəb; Tramp Ağ Evinin iç üzü" kitabı indi Amerikada ən çox satan kitaba çevrilib və artıq çap  olunmuş nüsxələrin hamısının satılmasına görə, heç bir kitab mağazasında bu kitabı əldə etmək mümkün deyil.

Analitiklərin dediklərinə görə, bu kitabda yer alan məsələlər Ağ Evdə pərdə arxasında baş verən bir çox olayı ifşa edib. Halbuki, prezident bu hadisələrin ictimailəşməsini istəmir.

Trampın vəkilləri onun sabiq müşaviri Stiv Banonu kitabın müəllifi ilə əməkdaşlıq etməklə "gizli anlaşma"nı pozmaqda ittiham ediblər. Onlar kitabın naşirinə də oxşar məktub göndərərək, bu kitabın nəşrini önləməyə çalışıblar. Amma, kitaba olan təlabatın yüksək olmasını nəzərə alaraq, "Alov və Qəzəb; Tramp Ağ Evinin iç üzü" kitabının nəşri prioritet olaraq qərar verilib.

Nəşrlə bağlı bir mütəxəssis PressTV-yə verdiyi məlumatda deyib: Heç şübhəsiz kitabda yer alan məsələlərin bir çoxu bizim Trampla bağlı bildiklərimiz ilə üst üstə düşür. Onun tez əsəbiləşən bir adam olması, davakar şəxsiyyəti və öz şəxsi maraqları üçün savaşmağa hazır olması hamı üçün artıq aydın bir məsələdir.

Kitabın müəllifi Maykl Volf barəsində də bir çox söz-söhbət var. O, 1998-ci ildə də öz kitabında şübhəli məqamları ifşa etməkdə ittiham edilmişdi. Amma, Trampın hücumları qarşısında Maykl Volf öz yeni kitabını müdafiə edir.

Maykl Volf deyir: Bu adam heç kimin sözünə qulaq asmır və mütaliə də etmir. O, öz tələsik rəftarları və qəfil qərarları ilə top kimi ora-bra sıçrayır.

"Alov və Qəzəb; Tramp Ağ Evinin iç üzü" kitabının təqdimatından öncə belə, Amazon internet mağazasında ən çox satan kitab adını qazanmışdı.