Beynəlxalq Valyuta Fondu: Tramp İran və Rusiya haqda siyasətlərini dəyişməlidir
-
Beynəlxalq Valyuta Fondu: Tramp İran və Rusiya haqda siyasətlərini dəyişməlidir
Beynəlxalq Valyuta Fondunun rəhbəri Tehran və Moskva qarşısında Vaşinqtonun qeyri-məntiqi strategiyasını tənqid edib.
Mehr İnformasiya Agentliyinin məlumatına görə, Kristin Laqard Sankt-Peterburq Beynəlxalq Forumunun sonunda bildirib: ABŞ prezidenti Donald Trampın İran və Rusiya haqda siyasətləri dəyişməlidir.
ABŞ-da Donald Trampın iqtidara gəlməsi ilə, Vaşinqton İran İslam Respublikası və Rusiya əleyhinə düşmənçilik siyasətləri yürüdür.
22-ci Sankt-Peterburq Beynəlxalq Forumu cümə axşamı və cümə günləri 140 ölkə, o cümlədən İran İslam Respublikası nümayəndələrinin iştirakı ilə keçirilib.
Bu forumun yekun iclası ABŞ-ın siyasətləri və bu ölkənin nüvə sazişindən çıxmasını tənqid etmək üçün fürsətə çevrilib.
Rusiya prezidenti Vladimir Putin forumda ABŞ-ın başqa ölkələrə qarşı birtərəfli siyasətlərini tənqid atəşinə tutub.
Fransa prezidenti Emmanuel Makron da deyib: Avropa ölkələri öz hakimiyyət və qərarvermə hüququnu müdafiə etməlidir.
