ABŞ "İsrail"in cinayətlərini dəstəkləyir; Fələstinə dəstək qətnaməsinə veto tətbiq olundu
Sionist rejimin Fələstin ərazilərindəki cinayətlərinin araşdırılması məqsədini daşıyan Küveytin təklif etdiyi qətnamə ABŞ-ın veto hüququndan istifadə etməsi ilə nəticəyə çatmayıb.
BMT Təhlükəsizlik Şurasının 11 üzvü cümə günü Fələstinin vəziyyətinin araşdırılması üzrə bu şuranın iclasında Fələstin xalqına dəstək üzrə Küveytin təklif etdiyi qətnamənin lehinə, dörd ölkə bitərəf, sadəcə bir üzv yəni ABŞ əleyhinə səs verib.
ABŞ-ın BMT-dəki nümayəndəsi Nikki Heili Küveytin təklif etdiyi qətnaməyə qarşı çıxaraq iddia edib ki, bu qətnamənin tənzimlənməsində Qəzzə qarşıdurmalarında HƏMAS hərəkatının roluna diqqət yetirilməyib və birtərəfli şəkildə sionist rejimin pislənilməsini istəyir.
Küveytin BMT-dəki nümayəndəsi Nasir əl-Ətibi də ABŞ-ın Fələstin xalqına dəstək üzrə təklif olunan qətnaməyə qarşı veto hüququndan istifadə etməsindən sonra deyib: Təhlükəsizlik Şurasının öz məsuliyyətlərini yerinə yetirməkdə acizliyi işğal olunmuş Fələstin ərazilərində vəziyyəti daha da böhranlı hala gətirir.
Nasir əl-Ətibi deyib: Fələstin xalqına dəstək qətnaməsinə veto tətbiq etmək işğalçı rejimin beynəlxalq qaydalardan müstəsna olduğunu göstərdi.
