İyun 12, 2018 09:19 Asia/Baku
  • Gürcüstanda etirazlar davam edir \ 19 nəfər saxlanılıb
    Gürcüstanda etirazlar davam edir \ 19 nəfər saxlanılıb

Tiflis polisi iki yeniyetməni qətlə yetirən şəxslərin məhkəmə tərəfindən günahsız elan edilməsinin ardınca Parlament binası önündə piket keçirən vətəndaşlardan 19 nəfərini həbs edib.

Sputnik-in verdiyi məlumata görə, Tiflis şəhər bələdiyyəsi rəsmilərindən biri də saxlanılanlar arasındadır. 

Gürcüstanın mütəşəkkil cinayətkarlıqla mübarizə idarəsi saxlanılan şəxslər haqda deyib: polis aksiya iştirakçılarının paytaxt Tiflisdə Parlament binasına gedən yolu bağlamağa cəhd göstərməsinin ardınca, onları həbs etməyə məcbur olub. 

Tiflisdə etiraz aksiyası 11 gün öncə 2 yeniyetməni qətlə yetirən şəxslərin məhkəmə tərəfindən günahsız elan edilməsinin ardınca başlanıb. Parlament binası qarşısında davam edən bu etiraz aksiyası baş prokurorun istefa verməsinə səbəb olub. 

Narazı kütlə bazar günündən etibarən etiraz aksiyasını fasiləsiz olaraq davam etdirmək üçün Parlament binası önündə çadırlar qurmağa çalışıblar. Məhkəmə sistemindən narazı olan xalq baş nazir Giorgi Kvrikaşvilinin istefa verməsini tələb edir. 

Teqlər