Çin ABŞ-ın unilateralist siyasətini tənqid edib
Çin Xarici İşlər Nazirliyinin sözçüsü ABŞ-ın Pekinə qarşı unilateralist siyasətini tənqid edib və Çinin Ağ Evin hər cür yeni ticarət hərəkətinə cavab verməyə hazır olduğunu vurğulayıb.
Gen Suan dünən Pekində keçirdiyi mətbuat konfransında Amerikanın Çinə qarşı ticarət savaşının Vaşinqtonun zərərinə olduğunu bildirib. O, Birləşmiş Ştatların tez bir zamanda öz unilateralist rəftarına son qoyacağına ümidvar olduğunu bildirib.
Amerikanın təhdidləri və Çinin qarşılıqlı cavablarının davam etdiyi bir neçə həftədən sonra iki ölkə ötən ay misli görünməmiş bir ticarət savaşına daxil olubdur.
Bundan öncə Çindən idxal olunan əmtəə mallarının əlli milyard dollarına 25 faizlik rüsum tətbiq etmiş ABŞ prezidenti xəbərdarlıq edərək bildiribdir ki, Çindən idxal olunan əmtəə mallarının iki yüz milyard dollarına yeni rüsumlar tətbiq etməyə hazırdır.
ABŞ-Çin ticarət qarşıdurması Donald Trampın polad və alüminium daxil olmaqla Çindən idxal olunan əmtəə mallarına gömrük rüsumlarının artırılmasına dair qərarından sonra, cari ilin martından başlanıbdır.
