Miqrant ailələri Tramp əleyhinə şikayət etdilər
Fev 12, 2019 22:00 Asia/Baku
Bir qrup miqrant ailəs ABŞ prezidenti Donald Trampın siyasətlərindən dəyən zərər və ziyanlara görə ABŞ hökuməti əleyhinə şikayət edib.
Hill informasiya portalının bildirdiyinə görə, 8 miqrant ailəsi bu şikayətin səbəbini ailə üzvlərinin bir-birindən ayrı saxlanılması nəticəsində dəyən mənəvi zərər və ziyanlar adlandırıblar.
Bu şikayət ərizəsində Trampın siyasətlərinin qurbanları arasında 7 yaşlı qız uşağı və 6 yaşlı bir oğlan uşağının da adları var.
Bu ailələrin vəkili Stanton Jonesin dediyinə görə, miqrant ailələri hökumətin "əsaslandırılması mümkün olmayan amansızlığına" görə şikayət ediblər. Onlar ABŞ hökumətindən kompensasiya tələb edirlər.