SAHAR

ABŞ dövlət katibi İran İslam Respublikasına qarşı düşmənçiliklərinin davamında Vaşinqtonun İranın neft istehsalını sıfıra endirmək niyyətində olduğunu dedi.

Sputnik informasiya agentliyinin bildirdiyinə görə, Mayk Pompeo çərşənbə axşamı ABŞ-ın Texas Ştatının Hyuston şəhərində keçirilən Enerji Həftəsi Konfransının kənarında dedi: Vaşinqton İranın xam neft ixracatını sürətlə və bazar şəraitinin icavzə verdiyi formada sıfıra endirmək niyyətindədir. 

Pompeo həmçinin, dünyanın neft sənayesindən ABŞ-ın xarici siyasətinə xidmət etmək və "beynəlxalq arenadakı pis oyunçuları cəzalandırmaq" üçün Vaşinqtonun kənarında yer almasını istədi. 

ABŞ 2018-ci ilin mayında İran ilə nüvə anlaşmasından çıxaraq, İrana qarşı nüvə sanksiyalarını yenidən bərpa etdi. 

Vaşinqtonun bu qeyri qanuni siyasəti əsasən İranın neft sənayesinə qarşı yönəlib. Amma, dünya ölkələri o cümlədən Çin, Rusiya, Hindistan və Türkiyənin ABŞ-ın istəklərinə təslim olmaması Vaşinqtonun İran neftinə qarşı sanksiyalarını təsirsiz etdi.