Ermənistan hökumətinin borcları artıb
Mart 14, 2019 20:48 Asia/Baku
Erməni medialar Ermənistan hökumətinin borc böhranı ilə üzləşməsindən xəbər veriblər.
Erməni "Joğovurd" qəzetinin rəsmi statistikalara istinadlı məlumatına görə, Ermənistan hökumətinin borcu bu ilin yanvar ayından fevralın 28-dək iyirmi milyon yeddi yüz min dollar artaraq, təqribən altı milyard 943 milyon dollara çatıbdır.
"Joğovurd" qəzeti əlavə edib: Ermənistanın baş naziri Nikol Paşinyanın hökuməti öncə dövlət borclarının azaldılması siyasətini yürüdür və xarici kreditləri qəbul etməyə hazır deyildi. Amma hazırda daha artıq kreditlər almaq məsələsini araşdırmağa məcburdur.