Myanma ordusu Raxin vilayətində müsəlmanların yaşadığı kəndi mühasirəyə alıb
May 15, 2019 11:44 Asia/Baku
-
Myanma ordusu Raxin vilayətində müsəlmanların yaşadığı kəndi mühasirəyə alıb
Myanma ordusunun ölkənin qərbində, Raxin vilayətində bir kəndi mühasirəyə alması, kənd əhalisinin həyatını təhlükə ilə üzləşdirib.
İRİB-nin bildirdiyinə görə, Kyauk Tan kəndində insanların mal-heyvanları mühasirə nəticəsində susuzluqdan tələf olub.
Kyauk Tan kəndi iki həftə öncə Myanma ordusunun kəndə olan hücumunun ardınca mühasirəyə alınıb. Myanma ordusunun hücumunda 6 kənd sakini həlak olmuşdu.
Myanma ordusu və ifratçı buddistlərin Raxin vilayətində Ruhinqa müsəlmanlarına qarşı hücumları son iki ildə 6 mindən çox insanın ölməsinə, 8 min nəfərin yaralanmasına və bir milyondan çox insanın didərgin düşməsinə səbəb olub.
