SAHAR

BMT-nin baş katibi nüvə sınaqlarının hərtərəfli şəkildə qadağan edilməsi müqaviləsini imzalamayan və ya təsdiq etməyən bütün ölkələrdən ona qatılmalarını istəyib.

Antonio Quterreş bu gün nüvə sınaqları ilə ümumdünya mübarizə günü münasibətilə verdiyi müraciətdə bildirib: Nüvə sınaqlarının hərtərəfli şəkildə qadağan edilməsi müqaviləsi o cəhətdən həyatidir ki, daha çox nüvə qurbanının olmamasına zəmanət verir, eləcə də nüvə tərkisilahının irəlilədilməsində zəruridir.

BMT-nin baş katibi vurğulayıb ki, nüvə sınaqlarının nəticəsi dağıntıdan savayı bir şey deyildir. O, əlavə edib: Bu müqaviləni imzalamayan hökumətlər onu imzalasınlar.