Dek 11, 2019 18:58 Asia/Baku
  • Bəqramda yaralı ABŞ hərbçilərinin sayı artıb

Əfqanıstanın Bəqram rayonunun icra hakimi amerikan hərbçilərin bu rayondakı bazası yaxınlığında partlayışda bədən xəsarəti alanların sayının artmasından xəbər verib.

Əbdulşəkur Qoddusi deyib: Çərşənbə günü səhər amerikalı hərbçilərin Pərvan vilayətinin Bəqram şəhərində yerləşən bazasına qarşı hücumda yeddi hücumçu bu hərbçilərin karvanı yaxınlığında bomba qoyulmuş iki avtomobili partladıblar. Nəticədə əlli nəfər yaralanıb.

İndiyədək bu partlayışda ölənlərin sayı elan olunmayıb. Bir şəxs və ya qrup da bu hücumun məsuliyyətini üzərinə götürməyib, amma Taliban qrupu dəfələrlə bu bazaya hücum edibdir.

 

Teqlər