ABŞ-da silahlar susmur
ABŞ-ın Nyu-York Ştatında silahlı insident; ölən və yaralananlar var
ABŞ polisi Nyu-York ştatının Roçester şəhərində 12 nəfərə atəş açılmasından xəbər verib.
Səhər Azəri bildirir ki, şənbə günü Roçester şəhərində çıxan silahlı insident zamanı ən azı iki nəfər həyatını itirib.
ABŞ polisi yerli vaxtla şənbə günü səhər saatlarında Nyu-York ştatının Roçester şəhərində "Goodman" və "Pensilvaniya" küçələrində ölümcül atışmanın baş verdiyini bildirib. Bu barədə məlumatı ABŞ-ın "BNO News" kanalı yayıb.
Məlumata əsasən, ABŞ-ın Roçester şəhərində ən azı 12 nəfərə atəş açılıb və ilkin məlumata görə, onlardan ən azı ikisi həyatını itirib.
Şahidlərin dediyinə əsasən, hadisəni törədən şəxs və ya şəxslər elə bir halda atəş açıblar ki, hadisə yerində çoxlu sayda insan olub.
ABŞ mediaları və rəsmiləri hələ ki, sözü gedən hadisə barədə ətraflı məlumat verməyiblər və hücumçu və ya hücumçular barədə hər hansı bir məlumat yoxdur.
