Noy 27, 2020 10:34 Asia/Baku
  • Fransa Senatı hökuməti Dağlıq Qarabağ Respublikasını tanımağa çağırır / İrəvan-Bakı reaksiyası

Fransa Senatı, hökuməti Dağlıq Qarabağ respublikasını tanımağa çağıran bir qərar qəbul etdi. Bu qətnamə Ermənistan tərəfindən dəstəkləndi və Azərbaycan Respublikası tərəfindən qınandı.

SəhərAzəri İSNA-ya istinadən xəbər veriri ki, iclasda iştirak edən 306 senatordan 305-nin lehinə səs verdiyi qətnamə, Fransa hökumətini Dağlıq Qarabağ Respublikasını tanımağa çağırır və vurgulayır ki; Bundan bölgədə davamlı sülh üçün danışıqlarda bir vasitə kimi istifadə edilsin.

Qətnaməyə görə, Senat Azərbaycan Respublikası qüvvələrinin ələ keçirdiyi və mübahisəli ərazilərdən dərhal çıxarılmasına çağırılır və qadağan edilmiş silahların istifadəsi səbəbindən bölgədəki hərbi cinayətlər barədə beynəlxalq araşdırmaların aparılmasına təkid edir. Bundan əlavə, senatorlar hökumətə Türkiyə hökumətinin rolunu araşdırmağı və bu mövzuda Avropalı ortaqları ilə ən ciddi addım atmağı tövsiyə etdilər.

Ermənistanın Baş naziri Nikol Paşinyan Facebook-da qətnaməyə cavab olaraq yazıb: “Fransa Senatının qəbul etdiyi qərar tarixi bir qərardır. Artsaxın (Dağlıq Qarabağ) qlobal tanınması beynəlxalq gündəmin bir hissəsidir.”

Lakin Azərbaycan Prezidentinin müşaviri Hekmət Hacıyev Fransa Senatının qətnaməsini qınadı, onu "kağız parçası" və "biabırçı bir addım" adlandırdı.

O deyib: “Əvvəla, bu qətnamənin Azərbaycan üçün adi kağızdan başqa bir şey olmadığını vurğulamaq istəyirik. Məhdud siyasi ambisiyalar adı altında hazırlanan bu kağız, beynəlxalq hüquqa, BMT Nizamnaməsinə və BMT Təhlükəsizlik Şurasının qətnamələrinə zidd olaraq ciddi şəkildə sorğu-suala tutulacaq.”

Hacıyev vurğulayaraq deyib: “həm ortaq bir ölkə, həm də Avropada Təhlükəsizlik və Əməkdaşlıq Təşkilatının Minsk Qrupunun sədri və həm də BMT Təhlükəsizlik Şurasının daimi üzvü kimi Fransanın obyektiv hədəfləri və fəaliyyətləri ilə əlaqədar olduğunu söylədi. Bakı bu qətnamənin qəbul edilməsini Fransa siyasəti və parlamenti üçün çox biabırçı bir addım hesab edir.”

"Fransa hökuməti bu cür təxribatçı hərəkətlərin qəbuledilməzliyi ilə bağlı rəsmi mövqeyini bildirməli və bu qətnaməni pisləyən bir bəyanat qəbul edərək Azərbaycanın ərazi bütövlüyünü dəstəkləməlidir"- deyə Hacıyev bildirib.

Teqlər