İranlı gənc şahmatçıların nailiyyətləri
İranın Şiraz şəhərində keçirilən şahmat üzrə Asiya çempionatında yarışların 18 medalının səkkizi İran nümayəndələrinə nəsib olubdur.
ISNA-nın məlumatına görə, 20 yaşdan aşağı gənclərin şahmat üzrə Asiya çempionatı İran, Livan, Hindistan, Qazaxıstan, Suriya, Vyetnam, Tacikistan və Qırğızıstandan olan 70 şahmatçının iştirakı ilə mayın 2-dən 10-dək İranın Şiraz şəhərində keçirilib. Yarışlar oğlanlar və qızlar qruplarında standart, sürətli və blits bölmələrində təşkil olunub.
Oğlanların standart bölməsində iranlı şahmatçılar- Məsud Mesdaqpur, Əlireza Firuzcah və Arəş Tahbaz müvafiq olaraq, 1-ci, 2-ci və 3-cü yerləri tutublar.
Qızların standart bölməsində isə Hindistan nümayəndələri hər üç medalı qazanıblar.
Qızların sürətli yarış bölməsində də iranlı şahmatçı Anuşa Məhdiyan beş xalla yarışların 2-cisi olubdur.
Bu bölmədə Hindistan nümayəndəsi altı xalla birinci olubdur.
Oğlanların sürətli yarış bölməsində isə İran təmsilçiləri Məsud Mesdaqpur və Mersad Xodaşenas müvafiq olaraq, 2-ci və 3-cü yerləri tutublar.
Bu bölmədə Vyetnam nümayəndəsi 1-ci olubdur.
Oğlanların blits bölməsində Vyetnam nümayəndəsi 1-ci, Hindistan nümayəndəsi 2-ci, iranlı şahmatçı Əmir Məsud Moradi isə 9 oyundan 7 xalla 3-cü olubdur.
Qadınların blits bölməsində də İran təmsilçisi Mobina Əlinəsəb 9 oyundan 8 xalla yarışların çempionu, Hindistan nümayəndəsi 2-ci, Tacikistan təmsilçisi isə 3-cü olubdur.
Yarışların sonunda İran yığması 2 qızıl, üç gümüş və üç bürünc medalla yarışların çempionu adını qazanıbdır.
Hindistan komandası 2 qızıl, üç gümüş və 2 bürünc, Vyetnam millisi iki qızıl, Tacikistan yığması isə bir bürünc medalla sonrakı yerləri tutublar.
