SAHAR

Futbol üzrə 2018-ci il dünya çempionatının püşkatma mərasimi keçirilib. İran İslam Respublikası "B" qrupunda Portuqaliya, İspaniya və Mərakeş ilə bir arada yer alıb.

Bu gün bütün dünyanın diqqəti Rusiya paytaxtı Moskvaya yönəlib. Dekabrın ilk günündə dördilliyin ən möhtəşəm yarışı - futbol üzrə dünya çempionatının final mərhələsinin püşkatma mərasimi baş tutub. Dövlət Kreml Sarayında keçirilən tədbir Bakı vaxtı ilə saat 19:00-da start götürüb. Mərasimdə planetin ən yaxşı 32 komandası 8 qrupa bölünüb.

DÇ-2018-də Avropadan 14 komanda - Rusiya (təşkilatçı ölkə), Almaniya (son dünya çempionu), İngiltərə, Belçika, İslandiya, İspaniya, Polşa, Portuqaliya, Serbiya, Fransa, İsveçrə, Xorvatiya, İsveç, Danimarka qatılacaq.Mindialda Cənubi Amerikanı 5 yığma - Braziliya, Kolumbiya, Uruqvay, Argentina və Peru təmsil edəcəksə, KONKAKAF-dan 3 milli - Meksika, Kosta-Rika, Panama yarışa vəsiqə qazanıb.Asiyanın 5 komandası - İran, Yaponiya, Cənubi Koreya və Səudiyyə Ərəbistanı və Avstraliyanın mübarizə aparacağı turnirdə Afrika Nigeriya, Misir, Seneqal, Mərakeş, Tunislə təmsil olunacaq.

Tədbirdə Rusiya prezidenti Vladimir Putin və digər dövlət xadimləri də iştirak ediblər.

Dünya kubokunu səhnəyə almaniyalı Miroslav Kloze gətirib. O, qısa çıxış edərək bu cür tədbirin iştirakçısı olmaqdan qürur duyduğunu bildirib.Mərasimdə həmçinin Loran Blan (Fransa), Qordon Benks (İngiltərə), Fabio Kannavaro (İtaliya), Kafu (Braziliya), Dieqo Maradona (Argentiina), Karles Puyol (İspaniya) və Dieqo Forlan (Uruqvay) kimi əfsanəvi futbolçular da aparıcılara assistentlik ediblər.

Beləliklə dünya çempionatının qrupları aşağıdakı komandalardan ibarət olub.

A qrupu1. Rusiya2. Səudiyyə Ərəbistanı3. Misir4. Uruqvay

B qrupu1. Portuqaliya2. İspaniya3. Mərakeş4. İran

C qrupu1. Fransa2. Avstraliya3. Peru4. Danimarka

D qrupu1. Argentina2. İslandiya3. Xorvatiya4. Nigeriya

E qrupu1. Braziliya2. İsveçrə3. Kosta Rika4. Serbiya

F qrupu1. Almaniya2. Meksika3. İsveç4. Cənubi Koreya

G qrupu1. Belçika2. Panama3. Tunis4. İngiltərə

H qrupu1. Polşa2. Seneqal3. Kolumbiya4. Yaponiya

Qeyd edək ki, dünya çempionatının açılış oyunu iyunun 14-də Rusiya ilə Səudiyyə Ərəbistanı arasında olacaq.