SAHAR

İranın idman karvanı İndoneziya 2018 Asiya Oyunlarında sərbəst güləş üzrə idmanda üçüncü qızıl medalı, ümumilikdə 8-ci medalı qazanıb.

İranın sərbəst güləş üzrə 125 kq çəki dərəcəsindəki təmsilçisi Pərviz Hadi bazar ertəsi günü finalda Çin təmsilçisi ilə qarşılaşıb və qızıl medal qazanıb. 

Pərviz Hadi 2014-cü ildə Cənubi Koreyada keçirilən Asiya Oyunlarında da qızıl medala layiq görülmüşdü. 

İranın idman karvanı İndoneziya 2018 Asiya Oyunlarında indiyədək 3 qızıl, 2 gümüş və 3 bürünc medal qazanıb. Medallar sərbəst güləş, taekovando və qılıncoynatma idman növlərindən gəlib. İran hazırda yarışların cədvəlində 6-cı sırada qərarlaşıb. 

İranın idman karvanı 280 kişi və 98 qadın idmançı ilə bu yarışlara qatılıb. 

18-ci Asiya Oyunları 18 avqustdan İndoneziyanın Cakarta və Palembanq şəhərlərində başlanıb və 2 sentyabra qədər davam edəcək. 

Bu oyunlarda 45 Asiya ölkəsindən 11 mindən çox idmançı iştirak edir.