İran voleybol üzrə dünya çempionatında birinci yerdədir
Sen 16, 2018 10:19 Asia/Baku
İran İslam Respublikası milli voleybol komandası dünən dünya çempionatı rəqabətlərində Kubaya qələbə çalıb.
İRNA-nın verdiyi məlumata görə, İranın yığma voleybol komandası dünya çempionatının qrup rəqabətləri mərhələsinin üçüncü yarışında Bolqarıstanın Varna şəhərində yerli vaxtla saat 16:30-da Kuba komandası ilə yarışıb və 3-1 hesabı ilə qalib gəlib.
İranın yığma voleybol komandası öncəki iki görüşdə də Portoriko və Bolqarıstan komandalarını məğlub etmişdi və D qrupunun cədvəlində birinci yerə keçmişdi.
Voleybol üzrə dünya çempionat yarışları 9-30 sentyabrda İtaliya və Bolqarıstanda keçirilir.
İranın yığma komandası ilkin mərhələdə Portoriko, Bolqarıstan, Kuba, Polşa və Finlandiya komandaları ilə yarışmalıdır.