SAHAR

İranın yeniyetmə qız və oğlanlardan ibarət taekvondo komandası İranın Kiş adasında keçirilən "Beynəlxalq Federasiya Prezidentliyi Kuboku-2019" adlı 3-cü beynəlxalq taekvondo yarışlarında çempion adını qazanıb.

Bu yarışların sonunda İranın yeniyetmə qız taekvonduçları 9 qızıl, bir gümüş medal və 1169 xalla çempion adını qazanıblar. İordaniya bir qızıl medal və 196 xalla ikinci olub. Hindistan isə bir bürünc medal və 23 xalla yarışların üçüncü pilləsində durubdur.

İranın yeniyetmə oğlanlardan ibarət taekvondo komandası da 9 qızıl, bir gümüş medal və 1173 xalla çempion adını qazanıb. İordaniya bir qızıl, bir gümüş və bir bürünc medal, həmçinin 206 xalla yarışların ikincisi olub. Suriya isə bir bürünc medal və 22 xalla yarışların üçüncü pilləsində dayanıbdır.

İranın yuxarı yaşlı taekvondo komandası da cümə günü İranın Kiş adasında keçirilən "Beynəlxalq Federasiya Prezidentliyi Kuboku-2019" adlı 3-cü beynəlxalq taekvondo yarışlarında çempion adına layiq görülübdür.