İranlı yeniyetmə taekvondoçular iki qızıl və iki bürünc medal qazanıblar
Avq 09, 2019 11:07 Asia/Baku
İranlı taekvondoçular Daşkənddə keçirilən yeniyetmələrin dünya çempionatının ikinci günündə iki qızıl və iki bürünc medal qazanıblar.
Dünən Zəhra Zərrinnəəl 41 kiloqramdan aşağı çəki dərəcəsində, Mina Bəxşinejad isə 47 kiloqramdan aşağı çəki dərəcəsində qızlar arasında qızıl medal əldə etməyə müvəffəq olublar.
Puyan Cəfərsalehi 37 kiloqramdan aşağı çəki dərəcəsində və Əmirhoseyn Mətaci isə 53 kiloqramdan aşağı çəki dərəcəsində oğlanlar arasında bürünc medal əldə ediblər.
Bu yarışlar 550 taekvonduçunun iştirakı ilə Daşkəndin Beynəlxalq idman sarayında keçirilir. Yarışlarda 64 ölkə iştirak edir. Yarışlar dörd gün davam edəcəkdir.
