Putin və Ərdoğan Qarabağın durumu barədə telefonla danışıblar
Türkiyə və Rusiya prezidentləri bir telefon əlaqəsində son Qarabağ olayları barədə danışıblar.
SəhərAzəri Sputnik.Az-a istinadla xəbər verir, telefon danışığı zamanı Dağlıq Qarabağ münaqişəsi zonasındakı vəziyyət ətraflı müzakirə olunub.
Hər iki tərəfdən oktyabrın 10-da Moskvada əldə olunmuş razılaşmaya əsasən elan olunmuş humanitar atəşkəsə riayət olunmağın vacibliyi vurğulanıb.
Putin və Ərdoğan ATƏT-in Minsk qrupunun işləmələri əsasında siyasi prosesin aktivləşdirilməsinin tərəfdarı olduqlarını bildiriblər.
Rusiya Prezidenti hərbi əməliyyatlarda Yaxın Şərq regionundan olan silahlıların iştirakından ciddi narahatlığını dilə gətirib.
Tezliklə Dağlıq Qarabağ probleminin sülh yolu ilə nizamlanmasına keçilməsi üçün həmrəy səylərə qətiyyətli ehtiyac olduğu vurğulanıb. Türkiyənin ATƏT-in Minsk Qrupunun üzvü kimi münaqişənin sülh yolu ilə həllinə konstruktiv töhfə verəcəyinə ümid ifadə edilib.
