Gürcüstanda parlament seçkilərinin yekun nəticələri açıqlanıb
Dek 03, 2020 20:51 Asia/Baku
Gürcüstan Mərkəzi Seçki Komissiyası (CESKO) oktyabrın 31-də keçirilən 10-cu çağırış parlament seçkilərinin nəticələrini təsdiqləyib.
SəhərAzəri xəbər verir ki, MSK-nın son qərarına əsasən, hakim Gürcü Arzusu-Demokratik Gürcüstan partiyası seçkilərdə 48,22 faiz səs toplayıb.
Bununla da hakim partiya X çağırış Gürcüstan parlamentində proporsional sistem üzrə 60, majoritar sistem üzrə isə 30 olmaqla ümumilikdə 90 deputat mandatı əldə edib.
Bu seçkilərdə mübarizə aparan 8 siyasi müxalifət partiyası isə ümumilikdə parlamentdə 60 yer qazanıb.
Onların da sırasında ən çox yeri Vahid Milli Hərəkat-Güc Birlikdədir bloku qazanıb - 36 mandat.
Qeyd edək ki, Gürcüstan parlamentində 150 deputat təmsil olunur.
