Yəmən ordusu strateji bölgələri geri aldı
Sen 24, 2020 09:38 Asia/Baku
Yəmən ordusu Mərib şəhərində 2 strateji bölgəni husilərdən geri alıb.
SəhərAzəri - bu barədə Türkiyə mətbuatı məlumat yayıb.
Bildirilib ki, Məribə bağlı Survah rayonunda Yəmən ordusu ilə husilər arasında şiddətli atışma olub. Orduya Səudiyyə liderliyindəki koalisiya qırıcıları da dəstək verib.
Nəticədə rayonda yerləşən 2 strateji bölgə geri alınıb. Əməliyyatlar çərçivəsində husilərdən çox sayda ölən və yaralananın olduğu deyilir.
Bundan başqa, Yəmən ordusu tərəfindən husilərin zirehli texnikaları ələ keçirilib, bir neçə əsgəri isə əsir götürülüb.
