SAHAR

Türkiyə və Almaniya xarici işlər nazirləri Türkiyənin Antaliya şəhərində görüşüblər.

FransPressin verdiyi məlumata görə, Türkiyə xarici işlər naziri Mövlud Çavuşoğlu bu gün Tvitter səhifəsində yazıb: Almaniya xarici işlər naziri Ziqmar Qabriel ilə görüşdə qarşılıqlı əlaqələr, iki tərəfin üz-üzə durduqları problemlər və gözləntilər müzakirə edildi. 

Bu qeyri-rəsmi görüş, son illərdə iki ölkə arasında böhranlı şərayitin yarandığına görə Türkiyə mediyasının diqqətini çəkib. 

Almaniya ilə Türkiyə arasında əlaqələr son illərdə bir çox səbəblərdən o sıradan Almaniyanın Ərdoğanın müxalifi olan kürdlərə dəstək verməsi, Türkiyənin AB-yə üzvlüyünü əngəlləməsi və Türkiyədə bir neçə jurnalistin həbs edilməsinə görə gərginləşib. 

Almaniya bəzi alman vətəndaşı olan jurnalistlərin Türkiyədə həbs edilmələrinə də etiraz edir və Türkiyənin AB-yə üzvlük müzakirələrinin davam edəcəyinə şübhə ilə yanaşdığını bildirir. 

Türkiyə də dəfələrlə Almaniyanı ötən il 15 iyul uğursuz dövlət çevrilişində əli olan Gülən qrupu tərəfdarlarına sığınacaq verməkdə ittiham edir.