SAHAR

Türkiyə Xarici İşlər Nazirliyi Suriyanın şimalında və Türkiyə sərhədləri yaxınlığında kürd ordunun təşkil olunması üzrə ABŞ-ın qərarını qınayıb.

Fars Xəbər Agentliyinin məlumatına görə, Türkiyə Xarici İşlər Nazirliyi bu gün bir bəyanat verərək ABŞ-ın başçılıq etdiyi "İŞİD əleyhinə koalisiya"nın Suriyanın şimalında kürd yaraqlılardan ibarət ordunun təşkil olunması üzrə qərarını qınayıb.

Bu bəyanatda bildirilir: Türkiyə müxtəlif vəziyyətlərdə dəfələrlə bildirib ki, İŞİD-lə mübarizə bəhanəsi ilə terror qruplaşması olan PYD qüvvələri ilə əməkdaşlıq etmək yanlış qərardır.

Türkiyə XİN Suriyanın şimalında kürd yaraqlılardan ibarət ordunun təşkil olunması üzrə ABŞ-ın səyini pisləyərək bildirib: Türkiyə bu ölkəyə gələcək hər bir hədəni məhv etməkdə qətiyyətlidir.

ABŞ-ın başçılıq etdiyi "İŞİD əleyhinə koalisiya" ötən gün bildirib: PYD qüvvələri ilə Suriyanın sərhədləri və şimal bölgələrini qorumaq üçün 30 min nəfərlik hərbi qüvvə yaratmağa çalışır.

Türkiyə PYD qüvvələrini PKK-nın Suriya qolu adlandırır və terrorçu qrup hesab edir. Buna əsasən ABŞ-ın İŞİD-lə mübarizədə PYD ilə əməkdaşlığını tənqid edir.