SAHAR

İranın kənd təsərrüfatı cihadı naziri və Türkiyənin kənd təsərrüfatı və meşəçilik naziri iki ölkə arasında kənd təsərrüfatı sahəsində əməkdaşlıqların genişləndirliməsinə çağırıblar.

İRİB-in verdiyi məlumata görə, Mahmud Höccəti ilə Bekir Pakdəmirli bu gün Tehranda iki ölkə arasında kənd təsərrüfatı əməkdaşlıqları üzrə strateji komitənin 7-ci iclasındakı görüşündə iranlı nazir bildirib ki, iki ölkə arasında kənd təsərrüfatı məhsullarının mübadiləsi həcmi çox azdır və artırılmalıdır. 

Höccəti Türkiyənin qonşu , dost və qardaş ölkə olduğunu bildirərək deyib: İki ölkə texniki, təhsil, araşdırma və əməliyyat sahələrində əməkdaşlıqlarını genişləndirə bilərlər. 

İranlı nazir Türkiyənin İranın kənd təsərrüfatı sektorunda kapital qoymasını müsbət qiymətləndirərək deyib: Türkiyə istixana sektorunda yaxşı inkişafa malikdir və bu sahədə iki ölkə arasında əməkdaşlıqlara əlverişli zəmin var. 

Höccəti İran İlə Türkiyə arasında dəman bitkiləri eləcə də heyvanların qarantinası , davar xəstəlikləri, və quş xəstəlikləri sahələrində əməkdaşlıqların vacibliyini vurğulayıb. 

Görüşdə Bəkir Pakdəmirli də ölkəsinin kənd təsərrüfatı sahəsində İran ilə əməkdaşlıqlara hazır olduğunu bildirib. 

Görüşdə iki ölkə arasında kənd təsərrüfatı sahələrində 3 əməkdaşlıq sənədi imzalanıb.