ABŞ: "S-400" almağın Türkiyə üçün təhlükəli nəticələri olacaq
ABŞ-ın Müdafiə Nazirliyi bir daha Rusiyadan "S-400" raket sistemlərinin alınmasına dair Türkiyəyə xəbərdarlıq etdi.
İRNA-nın məlumatına görə, ABŞ-ın Müdafiə Nazirliyi "Pentaqon"un sözçüsü Çarlz Sammerz bir mətbuat konfransında dedi: S-400 almağın Türkiyə üçün təhlükəli nəticələri olacaq.
Sammerz dedi: Türkiyə Rusiyadan S-400 raket müdafiə sistemi almaqla ABŞ-ın F-35 qırıcıları və "Patriot" raketləri ilə birdəfəlik vidalaşmalı olacaq.
Son aylarda ABŞ və Türkiyə münasibətləri Ankaranın Rusiyadan S-400 raket müdafiə sistemi almasına görə xeyli gərginləşib.
Rusiya prezidenti Vladimir Putin də son zamanlar ABŞ-ın Türkiyəyə S-400 raket sistemlərini almağı qadağan etmək haqqına malik olmadığını dedi.
Türkiyə və Rusiya arasında S-400 raket sisteminin alınmasına dair müqavilə 2017-ci ildə imzalanıb.