Türkiyənin Alanya bölgəsində turist gəmisi batıb
Noy 03, 2020 14:11 Asia/Baku
Türkiyənin Antalya vilayətinin Alanya rayonuna yaxın bölgədə turist gəmisi batıb.
SəhərAzəri Azərtac-a istinadla xəbər verir, Qəza Antalya vilayətinin Alanya Qalasının Fosforlu Mağarasından 50-100 metr uzaqlıqda baş verib. Hadisənin səbəbləri hələ ki bəlli deyil.
Hadisə yerinə xilasedicilər cəlb olunub.
Gəmidə 30-a yaxın turistin olduğu bildirilir.
Ən son məlumata görə, batan turist gəmisindən bir nəfərin cəsədi çıxarılıb.
Digər sərnişinlərin axtarışları davam edir. Bölgəyə çox sayda xilasedici və təcili tibbi yardım briqadaları cəlb olunub.
