Dec 28, 2018 17:25 Asia/Baku
  • 2018-ci ildə 980-i uşaq olmaqla 5700 fələstinli həbs edilib

Fələstin Əsirləri üzrə Araşdırma Mərkəzi bildirib ki, sionist rejim hərbçiləri cari milad ilində 980-i uşaq və 175-i qadın olmaqla 5700 fələstinlini həbs ediblər.

Fələstin Əsirləri üzrə Araşdırma Mərkəzinin sözçüsü Riyad Əşqər deyib: Sionist rejim özünün müxtəlif təhlükəsizlik, hərbi, siyasi, qanunvericilik və media təşkilatları vasitəsi ilə fələstinlilərlə müharibəni davam etdirir.

Əşqərin sözlərinə görə, fələstinli əsirlərin ən ibtidai vətəndaş hüquqlarından məhrum edilmələri, müalicənin və ailə ilə görüşlərin qadağan edilməsi, kameralara hücum, əsirlərin döyülmələri, eləcə də onlara ağır cəzaların tətbiq edilməsi davam etməkdədir.

Bu məlumata görə, 2018-ci ildə ən azyaşlı fələstinli əsir əl-Xəlil-in qədim hissəsindən olan üçyaşlı Zərğam Kərəm Musəvvədədir. Onun təkcə üç yaşı var.

Sionist rejim məhkəmələri də cari ildə fələstinlilərin müvəqqəti həbsi barədə 920 həbs hökmü çıxarıblar.

 

Teqlər

Şərhlər