Hüseyn Dehqan: ABŞ-ın Suriyaya hərbi müdaxiləsi beynəlxalq qanunları pozur
İranın müdafiə naziri ABŞ-ın Suriyada hərbi iştirakını beynəlxalq qanunların aşkar formada pozulması adlandırıb.
Əl-Aləm kanalının verdiyi məlumata görə genral-mayor Hüseyn Dehqan bir televiziya müsahibəsində ABŞ-ın Suriyaya 250 hərbçi göndərməsinə reaksiya olaraq deyib: Bu hərəkət, aşkar müdaxilə və təcavüz sayılır.
İranın müdafiə naziri Amerika, Ərəbistan, Qətər və bəzi regional oyunçuların məntəqəni gərginliyə sürükləmələrini tənqid edib və deyib: Bir Ərəb-Amerikan-Sionist fitnəsinin şahidiyik. Yoxsa, Suriyada ABŞ-ın hərbi iştirakı üçün hər hansı bir səbəb yoxdur.
General-mayor Hüseyn Dehqan əlavə edib: Amerika və Ərəbistan müqavimət cəbhəsinə qarşı başlatdıqları vasitəli müharibədə öz maraqlarını təmin etməyə çalışırlar.
İranın müdafiə naziri Tehranın Suriyada təhlükəsizliyin bərpa edilməsi üzrə səylərinə təkid edib və deyib: İran terrorçular ilə mübarizədə Suriya dövlətini dəstəkləyir.