Amerikaya ağır su satışında Kanadanın alternativi İran oldu
İranın Atom Enerjisi Təşkilatının sözçüsü deyib: İran Amerikaya ağır su satışında Kanadanın alternativi olub.
İranın Atom Enerjisi Təşkilatının sözçüsü və bu təşkilatın hüquq və beynəlxalq məsələlər üzrə müavini Behruz Kamalvəndi İRNA-ya müsahibədə əlavə edib: Ərak Ağır Su zavodunun fəaliyyətinin dayandırılması ardınca olan amerikalılar onun işini davam etdirməsini qəbul etmək məcburiyyətində qaldılar və hazırda Ərakın ağır suyunu satın alırlar.
Kamalvəndi bildirib: Amerika Kanadadan satın aldığı ağır sudan daha çox miqdarda İrandan ağır su alır və əslində İran kanadalı şirkətlərə alternativ olmuşdur.
İranın Atom Enerjisi Təşkilatının sözçüsü deyib: İran 130 ton ağır suyu saxlamaqdan əlavə, beynəlxalq bazarlara 70 ton ağır su təqdim edir.
Kamalvəndi bildirib: İran Əhatəli Müştərək Təşəbbüs Proqramı çərçivəsində öz öhdəliklərini yerinə yetirməkdədir və qarşı tərəf də öz öhdəliklərini yerinə yetirməlidir.