Avq 19, 2017 21:01 Asia/Baku
  • Qum şəhərində şiəşünaslıq üzrə beynəlxalq konfrans keçiriləcək
    Qum şəhərində şiəşünaslıq üzrə beynəlxalq konfrans keçiriləcək

Dünyanın on üç ölkəsindən olan alim və tədqiqatçıların iştirakı ilə şiəşünaslıq üzrə 5-ci beynəlxalq konfrans işə başlayacaq.

Fars xəbər agentliyinin məlumatına görə, avqustun 27-dək davam edəcək bu beynəlxalq konfransda şiəliyin ən mühüm tarix və etiqad mövzuları, o sıradan şiəliyin siyasi doktrinası; şiə və dialoq; şiə və qadınlar; ictihad və fitva; şiəliyin siyasi təfəkkürü; şiə əxlaqı; dualar və ziyarət; əzadarlıq və matəm mərasimləri; imamlıq; məhdəvilik doktrinası; şiə təfəkkürü mənbələri; şiəliyin meydana gəlməsi və formalaşması tarixi və müasir İran mövzuları araşdırılacaqdır.

Bu beynəlxalq konfransda Kanadanın Toronto Universitetindən Kurt Riçardson, Amerikanın Harvard Universitetindən Vera Mironova, London Universitetindən Alena Kuliniç, Avstriyanın Qrats Universitetindən Ferenz Vinter, Türkiyənin Yaxın Şərq Araşdırmalar İnstitutundan Filiz Kartal, ABŞ-Pakistan Forman Xristian Kollecindən Çarlz Ramzi, İraqın Suleymaniyyə Universitetindən Edit Zanto, İspaniyanın Fransisko Viktoriya Universitetindən Xavyer Querrero və Kanadanın Vestren Universitetindən Kamran Əhməd iştirak edəcəklər.

Teqlər