SAHAR

İslami Əməkdaşlıq Təşkilatının Parlamentlərarası Birliyinin icra komitəsinin 39-cü iclasının sədri bu gün Tehranda deyib: Fələstin mövzusu birliyin və müsəlman ölkələrin gündəliyinin ən əsas prioriteti olaraq qalmalıdır.

İRNA-nın verdiyi məlumata görə, Kazım Cəlali İslami Əməkdaşlıq Təşkilatının Parlamentlərarası Birliyinin icra komitəsinin 39-cü iclasında etdiyi çıxışında ABŞ prezidenti Donald Trampın Qüdsü sionist rejimin paytaxtı tanımasını pisləyərək deyib: Tramp bu məkirli planla müsəlmanların şərəf və birliyinə xələl gətirmək məqsədini güdür. 

İslami Əməkdaşlıq Təşkilatının Parlamentlərarası Birliyinin icra komitəsinin 39-cü iclasının sədri deyib: İran əcnəbi güclərin müsəlman ölkələrin daxili işlərinə qarışmalarının qarşısının alınması üçün heç bir səydən əsirgəməyəcək. 

Tehran iclasında Asiya və Afrikadan 41 ölkənin parlament nümayəndələri iştirak edirlər, bunlara 12 parlament sədri, 9 vitse spiker, eləcə də Rusiyadan nümayəndələr daxildir.