Tehranın Pasdaran prospekti iğtişaşçılardan tamamilə təmizlənib
İran İslam Respublikası Hüquq-Mühafizə Qüvvələrinin sözçüsü çərşənbə axşamı günü səhər Tehranın Pasdaran prospektinin aldanmış və asayişi pozanlardan tam şəkildə təmizləndiyini bildirib.
İRİB-in məlumatına görə, general-leytenant Səid Müntəzi əl-Mehdi deyib: İran İslam Respublikası Hüquq-Mühafizə Qüvvələrinin səyi ilə ictimai asayişi pozan təxminən 300 nəfər saxlanılıb.
İran İslam Respublikası Hüquq-Mühafizə Qüvvələrinin sözçüsü xatırladıb: Bazar ertəsi gecə hüquq-mühafizə qüvvələrinin Paasadaran prospektində asayişi bərpa etmək üzrə əməliyyatı zamanı üç məmur və 2 bəsic şəhid olub.
General Səid Müntəzi əl-Mehdi əlavə edib: Bu əməliyyatda təxminn 30 məmur və bir qrup iğtişaşçı yaralanıb.
Avtobusu idarə edən bir iğtişaşçı İran İslam Respublikası Hüquq-Mühafizə Qüvvələrinin üç məmurunu vurub və onlar şəhid olub.
Minik avtomobilini idarə edən bir iğtişaşçı isə bir bəsici vurub və o şəhid olub. Başqa bir bəsic isə iğtişaşçıların bıçaq zərbələri ilə şəhid olub.
İğtişaşçıların vəhşicəsinə hərəkətləri Tehranın Pasdaran prospektində bir çox avtomobilin xəsarət alması ilə nəticələnib. Hal-hazırda Tehranın Pasdaran prospektində vəziyyət stabildir və İranın Hüquq-Mühafizə Qüvvələrinin nəzarətindədir.