SAHAR

İran İslam Respublikası Xarici İşlər Nazirliyinin sözçüsü Ərəbistan vəliəhdinin Əlqaidə liderlərinin İranda olmalarına dair iddiasını böyük yalan adlandıraraq, deyib: Muhəmməd bin Salman bu yalan söyləməklərlə Ərəbistan başçılarının terror qruplarının yaradılmasındakı rolunu inkar edə bilməz.

Ərəbistan vəliəhdi dünən gecə Amerikanın NBC telekanalı ilə müsahibədə anti-İran ifadələr işlədərək iddia edib ki, İran, Üsamə Ben-Ladenin oğlu daxil olmaqla Əlqaidə rəhbərlərini qəbul edir.

Bəhram Qasemi bu gün Muhəmməd bin Salmanın naşıcasına və illüziyalı sözlərinə reaksiyada belə qeyd edib: Amerikanın Əfqanıstana hücumunun ilk illərində Əlqaidə qüvvələrinin qaçmalarından və onların bəzilərinin regionda və Ərəbistanda iştirakından sonra onların bir qismi könüllü və qanunsuz şəkildə İranın Əfqanıstanla bəzi uzun quru sərhədləri vasitəsilə İrana daxil oldu ki, əlbəttə, həbs olunaraq, sənədləri və vətəndaşlıqlarına uyğun şəkildə öz ölkələrinə təhvil verildi.

İran İslam Respublikası Xarici İşlər Nazirliyinin sözçüsü sonra deyib: Həbs olunanlar arasında Ben-Ladenin ailə üzvlərindən bir neçəsi var idi ki, səudiyyə vətəndaşlığına və sənədlərinə malik olduqları üçün məsələ Ərəbistan dövlətinin nəzərinə çatdırıldı ki, onların koordinasiyaları ilə Ben-Ladenin qızı Ərəbistanın Tehrandakı səfirliyinə təhvil verildi.

Qasemi əlavə edib: Səudiyyə başçılarının nəzəri bu olmuşdu ki, Ben-Laden ailəsinin digər üzvləri də qanunsuz şəkildə İrana daxil olduqları elə həmin sərhəddən ixrac edilsinlər və onların istəyinə əsasən, elə belə də edildi.

İran İslam Respublikası Xarici İşlər Nazirliyinin sözçüsü bildirib ki, mövcud sənədlərə əsasən, Əlqaidə terror qrupu Ərəbistanın kəşfiyyat orqanları tərəfindən yaradılıbdır. 

Qasemi belə qeyd edib: Amerikalıların 2001-ci il 11 sentyabr hadisəsi barədəki təsnifata salınmış hesabatının yayılmış hissəsi göstərir ki, hazırda Ərəbistanda müxtəlif vəzifələrdə hökmranlıqla məşğul olan bir çox məsul şəxs həmin hadisədə aşkar rola malik olubdur.