İranın müdafiə naziri Həşdüşşəbinin sədr müavini ilə görüşüb
İran İslam Respublikasının müdafiə naziri Bağdadda İraqın Həşdüşşəbi Təşkilatının sədr müavini ilə görüşüb onunla qarşılıqlı mövzuları müzakirə edib.
İRNA-nın verdiyi məlumata görə, İranın müdafiə naziri General Leytenant Əmir Hatəmi Əl-Həşdüşşəbi Təşkilatının sədr müavini Əbu Məhdi Əl-Mühəndis ilə görüşdə deyib: Dünya hegemonçularının əlaltıları olan və onların şeytancasına məqsədlərinə vasitə olan düşmənlər cəhalətlə, islam ümmətinə, İraq və Suriya xalqlarına zülm etdilər.
General Hatəmi deyib: Hegemonçular özlərinin saysız-hesabsız cinayətləri və xəbis hərəkətləri ilə islam düşmənlərinə boyük xidmətlər etdilər.
Görüşdə Əl-Mühəndis də Əl-Həşdüşşəbinin formalaşması və təşkilatlanması prossesi barədə hesabat verərək müqavimət mehvərinin İŞİD-ə qarşı son qələbəsini misilsiz adlandırıb.
Əl-Həşdüşşəbinin sədr müavini islam inqilabının böyük rəhbərinin və təqlid mərcələrinin Əl-Həşdüşşəbi qüvvələrinin birliyindəki rolunu yüksək qiymətləndirərək yaxın gələcəkdə İraqda təhlükəsizliyin tam təmin olunacağına ümidvarlığını bildirib.
İİR müdafiə naziri dünən Bağdada iki günlük səfərə başlamışdır. O bu səfərdə İraqın siyasi və hərbi rəsmiləri ilə görüşlərində qarşılıqlı müdafiə və təhlükəsizlik əməkdaşlıqlarını müzakirə edib.
İranın müdafiə nazirinin İraq səfərində İraqın rabitə və sənaye nazirlikləri ilə texniki əməkdaşlıq razılaşması imzalanıb.