SAHAR

EKO iqtisadi əməkdaşlıq təşkilatının baş katibi deyib: EKO ölkələri arasında illik ticarət əlaqələrinin həcmi hazırda 60 milyard dollardır. Bu rəqəm 2025-ci ilə kimi 120 milyard dollara çatdırılmalıdır.

İRİB-nin verdiyi məlumata görə, Hadi Sultanpur EKO-nun regional proqramlaşdırma şurasının iclasının kənarında Tehranda jurnalistlər qarşısında deyib: Hazırda dünya ticarətinin 7.7%-i EKO ölkələrinin ixtiyarındadır. Və proqramlaşdırmalara əsasən hər il bu rəqəmin 10 milyard dollar artırılması nəzərdə tutulub. 

EKO-nun baş katibi həmçinin deyib: Rüsumların azaldılması, fərqli sərmayə qoyuluşunun artırılması, özəl sektor üçün əməkdaşlıq şəraitinin asanlaşdırılması və üzv ölkələrin bazarlarının birləşdirilməsi həyata keçirilməli olan planlardır. 

Sultanpur həmçinin deyib: EKO ölkələri ticarət, nəqliyyat, turizm, sənaye və mədən, iqtisadi inkişaf mövzuları üzrə ikitərəfli müzakirələr həyata keçiriləcək. Bu müzakirələrdə elan olunmuş proqramların hər birində üzv ölkələrin payları müəyyən ediləcək. 

O, EKO-nun əsas proqramlarından birini dəniz limanlarının qurudakı limanlara birləşdirilməsi adlandırıb və deyib: EKO-ya üzv 7 ölkə su sərhədlərinə malik deyil . Buna görə də, dəniz limanlarının quru limanlarına qovuşdurulmasına çalışırıq. 

EKO-nun regional proqramlaşdırma şurasının 29-cu iclası bu gün Tehranda işə başlayıb. 

İran, Türkiyə, Pakistan, Əfqanıstan, Türkmənistan, Qırğızıstan, Özbəkistan, Qazaxıstan, Tacikistan və Azərbaycan İqtisadi Əməkdaşlıq Təşkilatı EKO-ya üzv 10 ölkədir.