SAHAR

İranın xarici işlər naziri deyib ki, İran İslam Respublikası nüvə anlaşması barədə yenidən müzakirə etməyəcək.

İranın xarici işlər naziri Məhəmməd Cavad Zərif BBC-yə verdiyi müsahibədə telekanalın aparcısının "Nə üçün nüvə anlaşması barədə yenidən müzakirə etmirsiniz?" sualına cavab verib. O deyib: İran İslam Respublikası danışıqları tərk etməyib, danışıqları tərk edən ABŞ idi.

İran xarici işlər naziri eyni zamanda vurğulayıb: Amerika prezidenti Donald Tramp müharibə istəmir, lakin onun hökumətində elə kəslər vardır ki, divanədirlər və müharibəyə susayıblar.

İranın diplomatiya aparatının başçısı deyib: Əgər müharibə baş verərsə, regionda heç bir ölkənin təhlükəsizliyi olmayacaq, buna görə, hamı müharibədən çəkinməyə çalışmalıdır.