Fələstin xalqını himayə siyasətinin davamında
İran XİN: "Əsrin Anlaşması" ikinci "Müsibət Günü" dür
"Əsrin Anlaşması" daxil olmaqla Fələstin xalqının iradəsini nəzərə almayan istənilən həll yolu qəbuledilməzdir.
Səhər Azəri bildirir ki, bunu İran İslam Respublikasının Xarici İşlər Nazirliyi bəyan edib.
İran XİN-i cümə günü Səbra və Şətila soyqırımının ildönümü münasibətilə Tvitter-də yazıb: Səbra və Şətila soyqırımı "Müsibət Günü"n nəticəsi idi və "Əsrin Anlaşması" da ikinci "Müsibət Günü" olaraq Fələstin torpaqlarının işğalını əbədiləşdirmək məqsədi daşıyır.
Sionist rejim hərbçiləri 1982-ci ilin 16-18 sentyabrında Livanda yerləşən Səbra və Şətila qaçqın düşərgələrində minlərlə fələstinlini qırğın etdilər.
O zaman sionist İsrail rejiminin müharibə naziri olan Ariyel Şaron Livanın işğal edilmiş ərazilərində sionist rejim ordusuna komandanlıq edən şəxs kimi bu soyqırımında başlıca rol oyanmışdır.
Səbra və Şətila sakinlərinə qarşı 3 gün davam edən qırğın əməliyyatında 5000-ə yaxın insan o cümlədən qadın və uşaq qətlə yetirilmişdi.
"Müsibət Günü" yüz minlərlə fələstinlinin öz torpaqlarından sürgün edilməsinin ardınca 14 may 1948-ci ildə cinayətkar İsrail rejiminin varlığının elan edilməsindən bir gün sonraya təsadüf edir və Fələstin üçün ən acı gün sayılır.
