SAHAR

İran və Rusiya xarici işlər nazirləri müavinləri ABŞ-ın İrana qarşı TŞ-nin qətnamələrinin bərpa edilməsinə dair səylərinin qanunsuz olduğunu vurğulayıblar.

Səhər Azəri bildirir ki, İran və Rusiya xarici işlər nazirləri müavinləri Seyid Abbas İraqçı və Sergey Ryabkov Moskvada görüşüb danışıqlar aparıblar. 

Görüşdə ABŞ-ın İrana qarşı Təhlükəsizlik Şurasının ləğv edilmiş sanksiyalarını bərpa etmək üzrə səylərinin qanunsuz olduğuna təkid edilib. 

İranın xarici işlər naziri Məhəmməd Cavad Zərifi Moskva səfərində müşayiət edən Abbas İraqçı və Sergey Ryabkov arasında baş tutan görüşdə əsas müzakirə mövzusu nüvə anlaşmasının qorunması və bütün tərəflərin öz öhdəliklərinə əməl etməsi olub.

Görüşdə ikitərəfli əlaqələr də diqqət mərkəzində saxlanılıb.