BƏƏ-nin Yəmənə hava hücumunda 7 mülki ölüb
Yəmənin cənub şərqində Şəbuh vilayətinə qarşı Birləşmiş Ərəb Əmirliklərinin vertolyotlarının hücumu nəticəsində 7 mülki ölüb.
İRNA-nın verdiyi məlumata görə, Əl-Məsirə telekanalı bildirib ki, işğalçı BƏƏ hərbçilərinə məxsus vertolyotlar cümə günü Mərxə rayonunun Əssadə bölgəsində əhalinin mənzillərini hədəfə alıblar .
Digər tərəfdən BƏƏ muzdluları ilə Şəbuh qəbilələri arasında baş verən toqquşmalarda ən azı 10 muzldu məhv edilib.
Analitiklərə görə, BƏƏ və onun tabeliyində olan yaraqlıların Yəmənin cənubunda fəallaşmaları BƏƏ-nin neft ehtiyatlarına malik olan həmin əraziləri nəzarətə almaq məqsədi ilə baş verir.
Eyni zamanda BƏƏ 2018-ci il 5 maydan bəri Yəmənin Soqotra strateji adasını işğal edib və bu Əbudəbi ilə Yəmənin istefa vermiş prezidenti Səudiyyə Ərəbistanının müttəfiqi Əbd Rəbbə Mənsur Hadi arasında şiddətli çaxnaşmaya yol açıb.
2015-ci ildən bəri Yəməndə on minlərlə insanın ölümü və yaralanması ilə nəticələnən Səudiyyə-BƏƏ ittifaqının Yəmənə qarşı müharibəsi eyni zamanda bu iki ölkə arasında Yəmənə nəzarət üzrə rəqabətə səbəb olub.
