Ən son məlumatlara görə
Rusiyada şaxtada 11 nəfər ölüb
Rusiyada şaxtada baş verən qəza nəticəsində ölənlərin sayı artmaqdadır.
SəhərAzəri-nin məlumatına əsasən,Rusiyanın Kemerevo vilayətinin Belovo şəhərindəki şaxtada yanğın nəticəsində ölənlərin sayı artır.
APA-nın TASS-a istinadlı məlumatına görə, xilasetmə xidmətindən bildirilib ki, ölənlərin sayı 11-ə çatıb.
Rusiyanın Kemerevo vilayətinin Belovo şəhərində şaxtada tüstülənmə bu gün səhər saatlarında olub.
İlkin məlumatlara görə, region hökuməti administrasiyası öncə bildirmişdi ki, “Listvyajnaya” şaxtasında baş vermiş hadisə zamanı, 1 nəfər ölüb, 43 nəfər xəsarət alıb.
Prokurorluqdan bildirilib ki, hazırda xilasetmə tədbirləri davam etdirilir.
Fövqəladə Hallar Nazirliyi hadisə zamanı şaxtada 285 nəfər olduğunu, onlardan 236-nın artıq evakuasiya edildiyi barədə açıqlama yayıb.
Hadisə yerinə sanitar vertolyotu ilə həkim briqadası göndərilib.
Qəzanın səbəbləri araşdırılır.
